Drive me a river

After attending a wake (haya') in Paknaan, ug sa wa damha, akong drayber nanghagad ug laag. Oi! milagro! Mama Mia!

Murag 48 years na jud na wala koy laag. So, no earth na man jud tawn ta kung asa na ning nindot nga lugar para sa mga tiguwang (clarification: edad ray matiguwang). The plan was to go to some 'in places' nga wala pa namo ma-adtoi (actually, wala pa jud mi naka-adto bisag asa nga 'in' place, para dili ta mailhan nga ihas ba!). Mura bag let's feel the place now, para if ever mag-kina-unsa, we can tell nga been there,done that. Para way mahayay! Drink a bottle or a glass of anything, then kaboom, transfer to another place.

And the first thing that come to mind kay ang The Walk sa IT Park (tungod sa blog ni Jude), pero, pag-abut namo didto THE WALK man jud di ay kay layo na kaayo imong laktan para ka maka-abut sa building tungod sa kadaghang people ug daghang cars. Dili na ma-keri sa akong Charles Keith shoes (ala Greta B, gurl, ayaw ng Valentino dress ko ng ganyan). So, nituyok na lang mi. Murag para ra man tong lugara sa mga sosyal, feel nako ma-out of place ko---- kay mas-sosi pa man ko nila! bwahahaha!

Ug na-abot mi sa Moon Cafe sa Guadalupe. Lami kaayo ila Quesadilla, better than Bigby's, barato pa pud. and the beer is only P35, i was expecting nga mahal sila, affordable ra man di ay, hasta ila mga foods. Naa pay Mariacchi Band nga nag-kanta ug Kutsero (?!? Yoyoy sunod kanta). Latin feeling kaayo ang place, murag anytime pwede mu-appear si Antonio Banderas, kun dili ba kaha si Gael Garcia Bernal o di ba kaha si Lito Lapid nga nagdala ug pistola.

Next we went to Handuraw Pizza, kay intriga kaayo ko aning lugara kay sige lang ko kadungog ani nila unya wa pa jud ka-experience kung unsa ni sila nga resto. Basig mapareha unya sa Kahayag Cafe, nanira na lang hinuon tu, wa jud ko kaadto. Pero, abi ko bag, naay banda-banda didto, wa man di ay. Internetan man hinuon ang naa, pwede nuon ka mag-monimoni sa taas. Ang balay murag gi-panag-iya ug karaang datu nga Espanyol (old rich) nga in dire straits. Ang ilang tukar kay Y101, medley sa 80's song, so naka-sakay ko sa kanta ni Bruce Springsteen "microwave open,____ chicks for free". Ang ilang adorno sa 'sala' kay mga libro spiced up with ethnic decors and native accessories. Nindot biya pud, in fairness. Gusto ta ko, mo-order ug sa ilang famous pizza pero busog na man kaayo ko sa Quesadilla sa Mooon Cafe. Nag-kape na lang ko, mao ni nga namuwaw na pud ko, naka-blog na lang hinuon.

Adto na pud unta mi sa Juliana's, kay nindot man kuno ni nga restobar ingon ang mga amigo sa akong pinalanggang driver, naa man kuno ni Mango Square. Unsa bang kadaghan ba di ayng mga bugoy looking diha sa Mango Square. Murag usa ka duslit, mag-rumble na dayon. Wala na lang mi manaug, nilabay na lang mi.

Ug ni-uli mi nga wa pay 12:00 MN, grabe, murag naay curfew sa anak. Bitaw, giduka na man mi oi. Ingon ani jud ning magka-goors, dukaon dayon.

Kanus-a na pud kaha ta i-date ani akong drayber?