And now, you are no longer a CITY......


By Virtue of a Supreme Court ruling, dili na ciudad akong lungsod. Naglibog ko kung unsa akong bation, malipay ba ko o mag-lagot.

Pero ang pinaka-sure kay nabalaka ko pag-ayo kay bag-o lang nahuman akong calling card ug prescription pad gikan sa maayong kabubut-on sa usa ka Med Rep. Ubay-ubay raba ni. Patik ra ba kaayo ang address nga "CARCAR CITY EYE CLINIC", unsaon na lang nako pag-esplekar sa mga makabasa nga dili na ciudad ang Carcar!
Mahug na jud ta ani ug bakakon.

Ay, ngano man gud tawn ning mga uncle' and auntie's sa akong lungsod (ayaw lang nang fathers of the city, kay OSCA ra kaayo) , gipadali-dali man ila pag hikay para ma-ciudad dayon, tan-awa! napagod hinuon, murag uling nga nagkamuriching.

Gi-inanay ta to nila sa abuhan para maka-makasuut-suut ang lami unya mahumok apil ang bukog.

Busa sa sunod nga ibalik na pud ni sa kaldero ang pagka-ciudad sa Carcar, atong pa-apilon si Nang Lita kuyog sa iyang mga anak nga si Jean ug Binya, di ba kaha si Noy Enrique, kung dili pa to hubog ( ang mga inilang chip-cook sa Carcar) , sa pag-sugkay ug timpla sa unod para masakto ang pagka-luto.

Ayaw lang mo kahibung nganong gutomon mo ig kahuman ug basa ani akong sugyot, pista na sa akong ciuda este lungsod na di ay sa sunod semana, Martes, November 25, 2008 halad sa among patron nga si Sta. Catalina.

Happy Fiesta natong tanang Carcaranon!
Ma-ciudad man o ma-lungsod, taga-RACRAC gihapon tang tanan!

5 comments:

JGG said...

Pait kaonon ang napagod nga niluto. Pait tagamtamon ang makudeta sa Senado. Unsa sab kaha kasakit bati-on nga ang kanhi city mayor, city councilor, city street sweeper, mahimo nalang municipal mayor, municipal councilor, ug municipal street sweeper? apan dili man na mao ang punto ba. nalakbitan lang nako na. ang isyu mao nga nganong napasar man ang mga balaod nga wala matuki pag-ayo?

ambot lang!

Anonymous said...

pariha diay ta ani doc, ang amo sad, baybay city nahimo na pud nga bye bye city. :)

Anonymous said...

Hi Doc Tess!
Pwede palang mabawi ang pagiging city. I didn't know that. I am from Samar so I basically understood your post ;)

If and when I go back to Cebu again, dyan na ako magpapa-check ng mata sa clinic mo hahaha. Hmn, pwede na rin sigurong RACRAC EYE CLINIC :) Kidding.

turtle said...

Mao ba. Pwede diay bawion.
Na, basig nabawi na sad to city dapit sa amoa sa COMVAL.

Anonymous said...

you are actually a good webmaster. The web site loading velocity is amazing.
It seems that you are doing any distinctive trick.
Furthermore, The contents are masterpiece.
you've done a fantastic activity on this subject!

my weblog - after effects text ()